|
Fram til þessa hefur Gamli skóli lítið verið kynntur innanlands. Húsið hefur verið auglýst erlendis og fengið góða aðsókn frá ýmsum löndum.
Nú viljum við kynna aðstöðuna fyrir samlöndum okkar og höfum sent út meðfylgjandi tilkynningu til ýmissa félaga og fyrirtækja.
Norðanbál vill hér með vekja athygli á Gamla skóla í Hrísey sem er vinnusetur fyrir listafólk.
Gamli skóli hefur verið starfræktur um árabil, þar hefur listafólk upplifað Hrísey sem tímalausa orkustöð í skemmtilegu samfélagi.
Í Gamla skóla er allt sem þarf til ánægjulegrar dvalar: þrjú aðskilin svefnherbergi, stór vinnustofa, nettenging fyrir alla, stofa/eldhús, sturta, þvottavél, sjónvarp o.fl.
Húsið er að mestu laust í desember og janúar og býðst á sérstaklega góðum kjörum þessa tvo mánuði.
Hrísey er staðsett í miðjum Eyjafirði með fallegu útsýni á fjallahringinn allt í kring.
Að dvelja á fallegri eyju, fjarri öllu amstri og stressi en samt hafa allt til alls og geta án nokkurs fyrirvara skroppið til lands ef með þarf, er einstakt.
Gamli skóli, eins og hann er kallaður, er staðsettur miðsvæðis í þorpinu í u.þ.b. 5 mín. gönguleið frá bryggjunni þar sem ferjan leggst að.
Ferjan Sævar siglir frá Árskógssandi nokkrum sinnum á dag út í eyjuna og tekur siglingin 20 mín. Áætlunarferðir eru með rútu frá Akureyri að ferjunni (sterna.is)
Við bendum fólki á að senda tölvupóst á netfangið
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
ef óskar er eftir dvöl á öðrum tíma. Nánari upplýsingar má finna á heimasíðu Norðanbáls nordanbal.is.
|
Þá er skessan komin til að vera í Reykjanesbæ en henni hafa fylgt ákveðin fyrirbæri - sjá nánar hér: 
Norðanbál hefur gert samning við Reykjanesbæ um hönnun skessuhellis. Stefnt er að því að hellirinn verði opnaður á ljósanótt Reykjanesbæjar 2008. Skessuhellirinn verður við smábátahöfnina í Reykjanesbæ. Hugmyndinn byggir á sögum Herdísar Egilsdóttur um Siggu og skessuna sem margir Íslendingar kannast við.